Isang Toyota Hilux vehicle ang binili ng actor-model mula sa kanyang talent fee sa ‘Abot-Kamay Na Pangarap.’
Isa ang aktor na si Allen Dizon sa sinusubaybayan ng Pinoy viewers sa Abot-Kamay Na Pangarap, ang GMA drama series na patuloy na nagte-trending at pinag-uusapan.
Sa isang panayam, ibinahagi ni Allen na niregaluhan niya ang kanyang sarili ng isang bagong sasakyan.
Isang Toyota Hilux vehicle ang binili ng actor-model mula sa kanyang talent fee sa Abot-Kamay Na Pangarap.
Itinuturing umano ni Allen na isang reward ito para sa kanyang sarili at upang may alaala rin siya mula sa naturang hit medical drama series.
Nang makipagkulitan sina Jeff Moses at Raheel Bhyria sa kanilang co-stars sa serye, ibinahagi ng seasoned actor hindi lamang iisa ang kanyang sasakyan.
Ayon kay Allen, mababait ang mga co-star niya sa Abot-Kamay na Pangarap at masaya siyang parte siya ng naturang programa.
Samantala, napapanood si Allen sa serye bilang si Doc Carlos Benitez, ang tunay na ama ng karakter ni Kazel Kinouchi na si Doc Zoey.
Si Doc Carlos ay ama rin ni Harry (Raheel Bhyria), ang binatang nagkakagusto kay Doc Analyn, ang karakter ni Jillian Ward sa drama series.
Patuloy na subaybayan ang karakter ni Allen Dizon sa Abot-Kamay Na Pangarap, mapapanood tuwing Lunes hanggang Sabado, 2:30 p.m., sa GMA Afternoon Prime.
